16

ത​ല​യോ​ല​പ്പ​റ​മ്പ്: കാ​ർ​ഷി​ക മേ​ഖ​ല​യു​ടെ പു​രോ​ഗ​തി​ക്കും പ​ടി​ഞ്ഞാ​റ​ൻ മേ​ഖ​ല​യെ വെ​ള്ള​പ്പൊ​ക്ക കെ​ടു​തി​ക​ളി​ൽ നി​ന്ന് സം​ര​ക്ഷി​ക്കു​ന്ന​തി​നും നീ​രൊ​ഴു​ക്ക് നി​ല​ച്ച ജ​ലാ​ശ​ങ്ങ​ളെ വീ​ണ്ടെ​ടു​ക്കു​ന്ന പ​ദ്ധ​തി​ക്കാ​യി ത്രി​ത​ല പ​ഞ്ചാ​യ​ത്തു​ക​ൾ ഒ​രു​മി​ക്കു​ന്നു.

മു​വാ​റ്റു​പു​ഴ​യാ​ർ, ക​രി​യാ​ർ എ​ന്നി​വ​യു​മാ​യി ബ​ന്ധ​പെ​ട്ട ജ​ലാ​ശ​യ​ങ്ങ​ൾ ആ​ഴം കൂ​ട്ടി നീ​രൊ​ഴു​ക്ക് ശ​ക്തി​പ്പെ​ടു​ത്തി പാ​ട​ശേ​ഖ​ര​ങ്ങ​ൾ​ക്ക്എ​ട്ടു കി​ലോ​മീ​റ്റ​റോ​ളം ദൂ​രം പു​റം​ബ​ണ്ട് നി​ർ​മി​ച്ചാ​ൽ കാ​ർ​ഷി​ക മേ​ഖ​ല​യി​ൽ ര​ണ്ട് കൃ​ഷി ഉ​റ​പ്പാ​ക്കി ക​ർ​ഷ​ക​രു​ടെ വ​രു​മാ​നം വ​ർ​ധി​പ്പി​ക്കാ​നാ​കു​മെ​ന്നാ​ണ് ക​ണ​ക്കു​കൂ​ട്ട​ൽ.

പ​തി​റ്റാ​ണ്ടു​ക​ളാ​യി വ​ട​യാ​ർ മേ​ഖ​ല​യി​ൽ അ​നു​ഭ​വ​പ്പെ​ടു​ന്ന വെ​ള്ള​ക്കെ​ട്ട് ദു​രി​ത​ത്തി​ന് ശാ​ശ്വ​ത പ​രി​ഹാ​രം കാ​ണു​ന്ന​തി​നു​കൂ​ടി​യാ​ണ് ത്രി​ത​ല പ​ഞ്ചാ​യ​ത്തു​ക​ളു​ടെ സ​ഹ​ക​ര​ണ​ത്തോ​ടെ കേ​ന്ദ്രാ​വി​ഷ്കൃ​ത പ​ദ്ധ​തി​ക്കാ​യി ശ്ര​മം ന​ട​ത്തു​ന്ന​ത്. 50 കോ​ടി​രൂ​പ​യി​ല​ധി​കം ചെ​ല​വ് പ്ര​തീ​ക്ഷി​ക്കു​ന്ന പ​ദ്ധ​തി​ക്കാ​യി സം​സ്ഥാ​ന സ​ർ​ക്കാ​രി​ന്‍റെ​യും ഫ്രാ​ൻ​സി​സ് ജോ​ർ​ജ് എം​പി​യു​ടേ​യും സ​ഹ​ക​ര​ണ​ത്തോ​ടെ​യാ​ണ് പ​ദ്ധ​തി ആ​ലോ​ചി​ക്കു​ന്ന​ത്. ഇ​തി​നാ​യി ത​ല​യോ​ല​പ്പ​റ​മ്പ് പ​ഞ്ചാ​യ​ത്തും ക​ടു​ത്തു​രു​ത്തി ബ്ലോ​ക്ക് പ​ഞ്ചാ​യ​ത്തും കോ​ട്ട​യം ജി​ല്ലാ പ​ഞ്ചാ​യ​ത്തും പൂ​ർ​ണ പി​ന്തു​ണ ന​ൽ​കി​ക​ഴി​ഞ്ഞു.

മു​വാ​റ്റു​പു​ഴ​യാ​റി​ൽ നി​ന്ന് ആ​രം​ഭി​ച്ച് ക​രി​യാ​റി​ൽ സം​ഗ​മി​ക്കു​ന്ന കു​റു​ന്ത​റ​പു​ഴ​യും ച​ന്ത​ത്തോ​ടു​മാ​ണ് ത​ല​യോ​ല​പ്പ​റ​മ്പി​ലെ കാ​ർ​ഷി​ക മേ​ഖ​ല​യി​ൽ ശു​ദ്ധ​ജ​ല​മെ​ത്തി​ക്കു​ന്ന​ത്. ഈ ​ജ​ലാ​ശ​യ​ങ്ങ​ളി​ലൂ​ടെ ശു​ദ്ധ​ജ​ലം കൃ​ഷി​യി​ട​ത്തി​ൽ എ​ത്താ​ത്ത സ്ഥി​തി​യാ​ണ് നി​ല​വി​ൽ.
ജ​ലാ​ശ​യ​ങ്ങ​ളു​ടെ നീ​രൊ​ഴു​ക്ക് പു​ന​സ്ഥാ​പി​ക്കു​ന്ന​തി​നൊ​പ്പം ത​ല​യോ​ല​പ്പ​റ​മ്പി​ലെ നെ​ൽ​കൃ​ഷി​യു​ടെ പു​രോ​ഗ​തി​ക്കാ​യി എ​ട്ട് കി​ലോ​മീ​റ്റ​റോ​ളം ദൂ​രം പാ​ട​ശേ​ഖ​ര​ത്തി​ന്‍റെ പു​റം​ബ​ണ്ടും തീ​ർ​ത്താ​ൽ 1750 മു​ത​ൽ 2500 ഏ​ക്ക​ർ വ​രെ ര​ണ്ടു​ത​വ​ണ നെ​ൽ​കൃ​ഷി ചെ​യ്യാ​ൻ ക​ഴി​യു​ന്ന സാ​ഹ​ച​ര്യം ഉ​ണ്ടാ​കു​മെ​ന്നാ​ണ് പ്ര​തീ​ക്ഷ.

കു​റു​ന്ത​റ പു​ഴ​യു​ടെ നാ​ശം നാ​ടി​നാ​കെ തി​രി​ച്ച​ടി​യാ​യി

കു​റു​ന്ത​റ​പു​ഴ മാ​ലി​ന്യം നി​റ​ഞ്ഞ് നീ​രൊ​ഴു​ക്കു​നി​ല​ച്ച​തോ​ടെ പ്ര​ദേ​ശ​വാ​സി​ക​ളു​ടെ ജീ​വി​തം ദു​രി​ത​പൂ​ർ​ണ​മാ​യി. കെ​വി ക​നാ​ലി​ൽ നി​ന്നാ​രം​ഭി​ച്ച് ത​ല​യോ​ല​പ്പ​റ​മ്പി​ന്‍റെ പ​ടി​ഞ്ഞാ​റ​ൻ മേ​ഖ​ല​യാ​യ കോ​രി​ക്ക​ൽ ഭാ​ഗ​ത്ത് കൂ​ടി ഒ​ഴു​കി കെ​വി ക​നാ​ലി​ൽ ത​ന്നെ സം​ഗ​മി​ക്കു​ന്ന കു​റു​ന്ത​റ പു​ഴ​യ്ക്ക് മു​ന്നു കി​ലോ​മീ​റ്റ​റോ​ളം ദൈ​ർ​ഘ്യം വ​രും.

ക​ഴി​ഞ്ഞ 25 വ​ർ​ഷ​ത്തി​നി​ട​യി​ൽ കു​റു​ന്ത​റ​പു​ഴ​യെ ഒ​ഴു​ക്കാ​ൻ സ​ർ​ക്കാ​ർ വി​നി​യോ​ഗി​ച്ച​ത് കോ​ടി​ക​ളാ​ണ്. പു​ഴ​യി​ലെ മാ​ലി​ന്യം വെ​ള്ളം വ​റ്റി​ച്ച് ആ​ഴ​ത്തി​ൽ കോ​രി നീ​ക്കാ​തെ​യു​ള്ള വ​ഴി​പാ​ട് ശു​ചീ​ക​ര​ണ​ങ്ങ​ൾ പൊ​തു​പ​ണം പാ​ഴാ​ക്കാ​നെ ഉ​പ​ക​രി​ച്ചു​ള്ളു.